Məlumatların sənin üçündür.

Nə toplanır?

Müştəri kartının identifikatoru, mobil nömrə, sifariş etdikdə ad, seçdiyin məhsullar, götürmə vaxtı və sifariş qeydi saxlanır. Onlayn kart ödənişi yoxdur; bank kartı məlumatı toplanmır. Mobil tətbiqdə reklam izləmə yoxdur. Saytda (kudobaku.com) reklamlarımızın nəticəsini ölçmək üçün Meta Pixel istifadə olunur (aşağıda).

Nə üçün istifadə olunur?

Məlumatlar sifarişi hazırlamaq, səninlə əlaqə saxlamaq və aktiv restoran kampaniyalarını hesablamaq üçündür. Sifariş məlumatlarını restoranın səlahiyyətli əməkdaşları görür. Məlumatlar restoranın DigitalOcean serverində saxlanacaq.

Cihaz kartı

Hesaba giriş mobil nömrəni yazmaqla aparılır (restoran lazım olduqda SMS kodu ilə təsdiqi yenidən aktiv edə bilər). Yeni nömrə yazıldıqda hesab yaranır; eyni nömrə başqa cihazda yazıldıqda mövcud hesab açılır. Restoran sifarişi təsdiqləmək üçün nömrəyə zəng edə bilər. Giriş açarı cihazda saxlanır, serverdə onun kriptoqrafik izi olur. Hesabdan çıxış cari sessiyanı ləğv edir. SMS göndərişi və kod yoxlaması üçün nömrə SMS provayderinə (Poçt Göyərçini) ötürülür. Kodun tətbiqdə etibarlılığı 5 dəqiqədir. Səhv kod, təkrar göndəriş və gündəlik SMS limitləri tətbiq olunur. Kod tətbiq bazasında saxlanmır. SMS sorğuları və nömrə üzrə təhlükəsizlik uçotu son göndərişdən 24 saat sonra növbəti göndəriş zamanı təmizlənir. SMS provayderinin öz saxlanma qaydaları ayrıca tətbiq olunur. Təsdiqlənməmiş qonaq kartı yalnız bu cihazda qalır.

Bildirişlər (push)

Mobil tətbiqdə bildirişə icazə versən, cihazın bildiriş nişanı (token) hesabınla əlaqələndirilərək saxlanır və sifarişinin statusu (qəbul, hazırdır, ləğv) barədə xəbər göndərmək üçün istifadə olunur. Token Google Firebase Cloud Messaging (Android) və Apple Push Notification service (iOS) vasitəsilə çatdırılır. Bildirişlər (sifariş statusu, kampaniya və xəbərlər) yalnız tətbiqdə bildirişlərə icazə verdikdə göndərilir və profildəki «Bildirişlər» açarı ilə istənilən vaxt söndürülə bilər. Hesabdan çıxanda və ya hesabı siləndə token silinir; icazəni telefonun ayarlarından da geri ala bilərsən.

Reklam ölçmə (Meta Pixel, yalnız sayt)

kudobaku.com saytında Instagram/Facebook reklamlarımızın nəticəsini ölçmək üçün Meta Pixel istifadə olunur: səhifəyə baxış, məhsula baxış, səbətə əlavə, qeydiyyat və sifarişin göndərilməsi hadisələri (məbləğ və məhsul ID-si ilə). Ad, telefon nömrəsi və sifariş qeydi Meta-ya göndərilmir. Meta bu məlumatları öz məxfilik siyasətinə uyğun emal edir və brauzer kukilərindən istifadə edə bilər. Mobil tətbiqdə Meta Pixel yoxdur. Brauzerinin reklam/izləmə qoruması və ya reklam blokeri ilə bunu söndürə bilərsən.

Analitika (Google Analytics)

Sayt və mobil tətbiq, hansı səhifələrin açıldığını və menyudan necə istifadə edildiyini (məhsula baxış, səbətə əlavə, sifariş mərhələləri, daxil olma) anlamaq üçün Google Analytics 4 istifadə edir. Yalnız anonim istifadə məlumatları toplanır: səhifə/ekran adı, hadisə növü, məhsul və məbləğ, cihaz növü və platforma (veb, Android, iOS), təxmini ölçülər. Ad, telefon nömrəsi, e-poçt və sifariş qeydi Google Analytics-ə göndərilmir. Reklam siqnalları və reklam şəxsiləşdirməsi söndürülüb, məlumatlar reklam məqsədilə istifadə olunmur. Brauzerdə və ya tətbiqdə anonim identifikator (cookie / yerli yaddaş) saxlanır; brauzer parametrlərindən cookie-ləri silə və ya bloklaya bilərsən, bu halda sifariş işləməyə davam edir.

Hesabın və məlumatların silinməsi

Tətbiqdə Profil → «Hesabı sil» düyməsi ilə (təsdiq pəncərəsindən sonra) hesabını dərhal silə bilərsən. Silinir: ad, telefon nömrəsi, giriş sessiyaları, push cihaz tokenləri, bildiriş ayarları və müştəri kartı. Keçmiş sifarişlərin məbləğ, məhsul və tarix qeydləri restoranın mühasibat və hesabatı üçün 1 il müddətinə anonimləşdirilmiş formada qalır (ad və telefon silinir). Aktiv sifarişin varsa, əvvəl onun tamamlanmasını gözlə. Avtomatik ehtiyat nüsxələrindəki əvvəlki qeydlər nüsxələrin saxlanma müddəti bitdikdə silinir.

Tətbiqə daxil ola bilmirsənsə, e-poçtla (info@kudobaku.com) və ya +994 55 321 04 41 nömrəsi ilə qeydiyyatlı nömrəni göstərərək müraciət et — hesab 30 gün ərzində silinir. Ətraflı: Hesabın silinməsi səhifəsi → · Instagram.